Ka JNC Central Executive Committee ha ka kyrwoh na u President wa khliehdooh yong ka, u Sambormi Lyngdoh, da pynbna u chisiendon da ka Black Flag Rally ha ka 6 tarik uni u bnai ha Khliehriat, East Jaiñtia Hills District kam ka dak wow pyrchah joor yei thmu wanrah luti rel ha Ri Jaiñtia.
U Sambormi da ong u wa kopsar ka sorkar ym em por ko wow pait yeiwa da thoh da ka seiñ wei ka seiñ leh ym kwah de ko du wow pynsñiaw du ha ki laad pathai khubor heiyatoh wa ini i kaam, wei u pynyoo syndon dei yakhih.
Neiliang ka seiñ da khut ko ya ki paidbah wow ya wan emlang ha katai ka sngi nadooh ki khynnah hadooh ki waheh chynrang wa kynthai kamjooh ki para seiñbhalang wow pynlait yei por wa kordor yow pynyoo leh yei yatylli wa pyrchah joor yei wanrah luti rel namo ka Railway hapoh ka Ri Jaiñtia.
Kani ka Rally daw sdang ko najan ka Holy Family English School Khliehriat wei daw pynkut ha pchem yung krehkaam u DC wei daw em leh ka yalang wa tbian hakhmat u mot u Kiang Nangbah.
Discussion about this post