Ka Nehru Yuva Kendra Sangathan (NYKS) Jowai chirup wa ka Jaiñtia Youth Network Association wa ka Iooksi Youth Welfare Sport’s Club (IYWSC), ha ka 27 tarik uni u bnai da pynman ko ya ka Block Level National Youth Parliament ha chnong Iooksi Iapkhla.
Ha kani ka sngi da em ka yalang wa pynlai da u President yong ka IYWSC u Everwell Sumer wei da yoh ya ki kyntien pdiang burom na u Secretary yong ka IYWSC u Iodamiki Tangliang.
Da yoh yei klam na u Waheh Chnong ka Chnong Iooksi u C. Tangliang kamjooh na u General Secretary ka Jaiñtia Youth Network Association u CB Lamare uwa man leh u National Youth Volunteer ka Laskein Block.
Ha kani ka sngi da yoh ya i chaad tynre na ki manbei ka Chnong Iooksi wei hadien ini da sdang won u leh ya ka Yoga heiwa u Firstly Sari da man u kam uwa yahluti namo u Instructor wei hadien wa kut ka yalang da yoh ya ki kyntien kyrkhu kyrdoh na u Historis Pachiang uwa man u Treasurer yong ka IYWSC.
