Shillong: U Executive Member ka KHADC wa pait ya ka chnat khayi, u Paul Lyngdoh da ong u wa ka Council daw pynkrehkaam noh ko da ka buit thymme neibynta wow pynkhor yei e Trading License ya ki baar jylla wa kiwa paan Trading License.
U Paul da ong u yeini hawa jubab yeiwa kylli u Ronnie V Lyngdoh, u MDC ka Mylliem uwa kwah wow tip ya ki baar jylla wa dang yoh Trading License na ka EC.
U Paul da ong u wa hadooh katni, kiwa dang e wot ka EC wa dang lai yong u snem 2018-19, em ki 261 ngut wei kani ka EC wa dang chimkti wot, ympu em pynthymme ko ya kiwa rim neibhah wa kwah ko wow wanrah da ki kyndon wa thymme.
Hajrong iwa kylli u MDC ka Mawphlang u Lamphrang Blah heiyatoh wa ka mang poisa na ka Special Plan Assistance, u EC wa pait yeini, u Titossterwell Chyne da pyntip u wa em boon tylli ki kreh wei napyrdi kini em kiwa dang chna em won kiwa dadep.
Katwa u EM wa pait ya ka chnat khyndaw, u Mitchell Wankhar da pyntip u wa em i sylli da ka dhab wa yahkhmat da u CEM warim yei kær naarchieh ha khappood Bangladesh tangwa ympu yoh ya ka bui, wei yeini da kylli da ka MDC ka Nongshken ka Grace M Kharpuri.
U EM wa pait ya ka chnat mylla, u Teibor Pathaw da pyntip u wa ya kani ka chnat da e wai da ka EC warim ha u bru samen wow e Labour License cha ki baar jylla wei hadooh katni kiwa da yoh Labour License em ki 5712 ngut deiwa pynrap wa ka EC wa thymme daw pyrkhat biang ko hajrong ini.
Discussion about this post