Jowai: Ka Nehru Yuva Kendra Sangathan (NYK) Jowai ryngkat i krehlang wa ka Mookyndur Social and Cultural Sport Club da pynman ki ya ka program kawa chisngi ha ka 28 tarik uni u bnai ha ka phang “Career Guidance and Counselling” ha ka chnong Mookyndur.
U Marda Oo Myrchiang, District Manager CSC e- Governance, West Jaiñtia Hills District da man u kam u resource person ha kani ka sngi uwa da ong wa kam kini ki program man ki kiwa emkaam bha ya ki paidbah khamtam ki khynroo khyllood.
Da batai u leh ya ki laad ki luti wow seiñ khih heiwa han lada dep ya ki puræ leh man i iwa eh bha wow yoh khih yoh kreh khamtam ki khih sorkar. Da ong u leh wa em chiboon ki scheme kiwa e ka sorkar wow seiñ khih heiwa da e nongmuna u leh ya kiwa boon ki bru mahajon ka pyrthai kiwa ym em u kreh sorkar.
Ha kani ka sngi da yoh i klam na ka Pasqualina Lamare Volunteer NYK kawa da batai chaphang ka Nehru Yuva Kendra Sangathan (NYK) kawa man ka man ka seiñ kawa esikai mynkna cha ki khynroo khyllood man la u snem.
Ya ka yalang da pyllai da u Secretary ka Mookyndur Social and Cultural Sport Club u Kyrshanlang Suting.
Discussion about this post