Mawryngkneng: Ka Dorbar Shnong Mawryngkneng, Khyrim Syiemship, East Khasi Hills District da rai ko wow pynman da ka Common Platform ya ki kyrtong ki wow yakhun ha kani ka Election MDC 2019 na ka 6-Sohryngkham Constituency.
Ya kani ka yalap Election Common Platform u pynman ha ka 22 tarik uni u bnai ha Mawryngkneng Stadium heipor 10 waje.
Neiliang ka Dorbar Shnong Mawryngkneng da rai wym chah de ya ki kyrtong wow pynman ya ki yalang paidbah namo ki Publlic Meeting ha man ki dong wei da rai wow pynman bait du chisngi ka yalap Election ka wow man ha kani ka Common Platform.
Ka chnong da rai ko leh wa kani ka Common Platform u man bait ko wow pynche paidbah ki kyrtong du neibynta ki tre chnong wei da chah ya waroh ki kyrtong u yah bru ki 10 ngut donhi nabaar ka chnong Mawryngkneng.
Kamtæ ka Dorbar Chnong da khut ko ya ki paidbah chong chnong nadooh ki khynroo khyllood, ki manbei manpa wa kiwa da heh da sian wow wan khnang cha kani ka sngi pynche paidbah da ki kyrtong waphær waphær ha ka tai ka sngi ha ka Common Platform.
Discussion about this post