Ka yung krehkaam u District Election Officer, West Jaiñtia Hills ynnin ka 25 tarik da pynman ko yaka Cycle Rally kam chibynta i leh warom yaka 14th National Voters Day.
Ya kani ka Cycle Rally da sdang na Kiang Nangbah Stadium heiwa da kaweh lama da u C. Syrti, Superintendent of Police, West Jaiñtia Hills District hei emlang u Khroobok Passah, DSO, West Jaiñtia Hills wa u W. Kharbuli, MCS, Asst. Commissioner, West Jaiñtia Hills.
Ka thong yong kani ka Cycle Rally toh wow e Wyrta Chula cha ki paidbah wa chong chnong chaphang ka National Voters Day næ katæ ka sngi wa kyrpang yong kiwa chong chnong ka ri India kiwa da em i hok wow jied ya kiwa mihkhmat ha ki Election waphær waphær.
Ha kani ka Cycle Rally da chimbynta da ki dkhot ka West Jaiñtia Adventure and Cycling Association, Jowai deiwa sdang na Kiang Nangbah Stadium wei lai tymbud ka Ladthadlaboh Main Road, Iawmusiang, Mynthong, Chutwakhu, Khimusniang, Umchangiar, Chilliangraij, Loomkyrwiang, Iongpiah, Panaliar, Dulong, Tpep-Pale wei da pynkut ha pchem ka yung krehkam u Deputy Commissioner, West Jaiñtia Hills.
Discussion about this post