Ka Assam Rifles kawa man kawi na ki chnat chipai-pulit namo ka Paramilitary Force kawa rim dooh hapoh ka ri ya kawa da sdang nadooh u snem 1835 wei da e chakri ko ya ka ri ha kiwa boon rukom wei ha kani ka kynti da embynta ko wot hei yakhun pyrchah ya ka khlam COVID-19 deiwa pynman ya ki e dawai wa i pynsñiawthooh paidbah hajrong kani ka kjut.
Ynnin ka sngi ka Assam Rifles da pynman ko ya ka ‘Cycle Rally’ ha nongbah New Delhi wow pynche pynsñiawthooh paidbah hajrong ka kjut khlam COVID-19.
Ha kani ka Rally da chimbynta da ki chipai waroh kyrdan ka Assam Rifles kiwa em ha kani ka nongbah.
Ka Assam Rifles ynnin ka sngi da pynman ko leh ya ka e dawai wa i pynsñiawthooh paidbah hajrong kani ka kjut neibynta ki chnong kiwa em ha Jiribam wa Noney District, Manipur heiwa da kyntu ko ya ki paidbah wow bood ki ya ki kyndon sorkar wei kammon wow yada na uni u khñiang kjut.
