Da ka drama pynyoo ka NSS Unit ka KNGC hajrong i sih u duma

Jowai: Kamwa da leh ha waroh kawi ka pyrthai kamtæ ka NSS Unit yong ka thaw puræ Kiang Nangbah Government College, Jowai leh da kynmoo warom ko ya ka sngi wow pyrchah ya u duma (wow baam wei wow dih).

Da sdang ya kani ka sngi deiwa chim ya ki kyntien smai wa ymhoi u myllien u dih namo u baam duma hapoh ka College.

Hadien ini da leh ya kawi ka drama wa tbian ha laad wow psiah cha kani ka thaw puræ namo ka Laad College.

Ha kani ka drama ka parom da pyrchang ko wow u pynsñiawthooh ya ki paidbah hajrong i ktah u duma ymtoh du ya u bru samen tangwa wot ya kiwa em hajan leh kamjooh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pynsñiawthooh leh da ki hajar ngut ki bru ha pyrthai da chitom ki nei kjut iwa mih na u duma kamjooh leh ktah ko ya ka yung ka sem wa ka imlang sahlang waroh kawi.

Ya kani ka lehke da leh deiwa angnood ki khynnah ka NSS wa kiwa puræ hapoh ka KNGC u man ki kiwa syndong wa kiwa husiar na i dih wei i baam duma.