Ka yung krehkaam ka Jowai Municipal Board (JMB) ha ka 6 tarik uni u bnai da pynman ko ya i pynsñiawthooh paidbah ha Iawmusiang, Jowai hajrong kammon u pynkhlaad yei jhep wa daw pyut wa ki wym pyut nadooh ha yung wa kamjooh cha lait, wei kamjooh leh yow man ki bru wa syndong hawa lai cha ki yaaw ki haat wym toh u noh taroi yei jhep kat chawa yoh.
Ha kani ka sngi da emlang ka Chief Executive Officer, Jowai Municipal Board, ka D.V. Lyngdoh, u Hunbaitki Passah, Asst. Engineer, Jowai Municipal Board wa kiwi de.
Ha ka Drama ha kani ka sngi da rap chim kyrpang heiyatoh kammon u pynduna i pynemkaam Plastic neibhah wa man ko kawa maa wei ktah joor bha yaki soodong sookun, kamtæ ka Jowai Municipal Board da saam paidbah haroh ko da ki muna jun cha kiwa lai yaaw lai haat, khamtam kitu kiwa rah da ki muna Plastic.
Ya i pynsñiawthooh paidbah lyngba ka Drama tbian da chimbynta da ki khynroo khyllood ka William Carey University Shillong, iwa man chibynta ka Project Management Unit yong ka chnat Urban Affairs Shillong.
