Jowai: Ka Sein Kyntu Sein Raij 12 Daloi dei ya krehlang waka yung krehkaam ka Indian Council for Cultural Relations Shillong daw pynman ko ya ka yalang ha Thadmuthlong C Phramer kam chibynta wow kynmoo ya ka lyngkhooh sngi yap u Woh Kiang Nangbah, Khla Wait Ka Ri.
Ya kani ka yalang u sdang ya ka nadooh i por 10:30 i step wei ka seiñ daw pynman ko ya i booh syntu ha u mot u Kiang Nangbah, wei daw bood sa i batai ya ka parom u Kiang Nangbah wei daw em leh ki chaad tynre na ki tnat Seiñ Raij waphær waphær.
Ha i por 4:00 waje i janmiet daw em ka i lehke droma chaphang u Woh Kiang Nagbah wa kiwa kyrchaan wa kiwa bood ya oo pyrchah ka sorkar phareng. Ya kani ka droma da pynkhreh da pynbait da u Mario Biam.
Kamtæ neiliang yong ka Sein Kyntu Sein Raij 12 Daloi da khut sñiawbha ko ya waroh ki chnat Seiñ Raij waphær waphær wow sñiawbha cha kani ka yalang.
I pynkhreh ya ini waroh man i iwa lia bait khamtam ya ka droma.
Ini toh katkam wa pyntip u S. Sari, Publicity Secretary ka Sein Kyntu Sein Raij 12 Daloi.
Discussion about this post