Da ka “Educational Award” pynkup burom ya kiwa pass chakhmat

Jowai : Ka ophis u Dolloi ka Eleka Satpator ynne ka sngi ha ka yung kreh kaam yong oo da leh burom ya ki khynnah puræ wa leh bha ha ka HSSLC wa ka SSLC deiwa e ya ka “Educational Award.”

Neiliang ka ophis u Dolloi da e ko T. 2,500 cha waroh kiwa da leh bha ha ka deilang wa ka Certificate. Kani toh ka sien wa phra wa pynman ya kani ka Educational Award wei da jied leh ha uni u snem ya ki soo ngut wa yoh 80% cha neiñ wow yoh ki ya ki Laptop wa e da u S. Mukhim, MLA ka thaiñ.

Ha ka kyrdan SSLC da cha jied u Peter Buam wa yoh 85.6% wa u Hunbait I Lakashiang wa yoh 81.83%. Ha ka kyrdan HSSLC (Science) won da yoh ka Samhakani Suja wa yoh 86.02% wa u Bedingfield Lyngdoh wa yoh 80%.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U ma S. Mukhim kam u kongsan ha kani ka sngi da ong u wa ynnin u snem da saam 6 tylli ki laptop wei da yooluti u wa ha uni u snem daw saam rap boon tangwa hiar pathan cha 4 tylli donhi. Da ong chooh chooh u wa ha ka pyrthai ya beh stat katni em ki por wa 80% leh ym pu biang wow yoh u lai puræ ya ki laiñ waphær waphær. Kamtæ da pynchlur u ya ki khynnah yow kreh chitom chooh chooh ki neini cha khmat.

Neiliang kiwa sikai da klam ka Head Teacher ka Pdengshakap Secondary School, Pdengshakap kawa ong wa ym hoi u mylliñ ya i chnong i thaw manda man heh man haiñ wei wow wan yarap ya ka chnong yow ye ka chnong wow ku cha khmat.

Ya ka yalang da pyllai da u Dolloi ka Satpator u ma Daman Lakashaing hei emlang ki Waheh Chong, ki Dkhot ka Eleka wa kiwi kiwi.