Da ka esikai wa ka lympung Fight Night u pynman ka WJBA wow pynku ya ka Boxing

Jowai: Ka West Jaiñtia Boxing Association (WJBA) toh kawi na ki seiñ kawa kreh monsñiawbha wow pynku ya ka yalehke yakura namo Boxing hapoh Ri-loom Jaiñtia. 

Ha kani ka kynti ka WJBA daw pynman ko ya ka esikai ya kawa mynkna wa tip kam ka Winter Coaching Camp ha Lumpariat Community Hall, Jowai nadooh ka 9 tarik uni u bnai. Ya ka yutip wa bniah ye u yoh deiwa phone ha ki No. 9612389453 / 7005085200.

Chooh chooh kam chibynta wow pynku wei wow pynchlur ya kiwi tawon wow chim ki ya kani ka jait yalehke, ka WJBA daw pynman ko ya ka lympung yakura wa tip kam ka Boxing Fight Night.

Ya kani ka lympung daw pynman ha ka 13 tarik uni u bnai ha Tourist Taxi Stand hajan MTC Depot, Ïawmusiang, Jowai nadooh 5:00 i janmiet.

Related posts

Psiah Semi ka 12 Daloi ha ka Veterans Football Knockout Tournament ha Wahiajer

July 11, 2026

Yoh wa ar ka Meghalaya ha ka National Pencak Silat Championship du hapoh chi snem wa seiñ ya ka Association

July 10, 2026