Ka Seiñ Kur Dkhar East Jaiñtia Hills District (SKDEJHD), ha ka kyrwoh khubor wa da pynlait da kiwa yahkhmat yong ka, u President, u Teras Dkhar wa u Adh. General Secretary, u M H Dkhar, da pyntip paidbah wa ha kini ki bnai wa daw wan, daw pynkup burom da ka Excellence Award ya ki khynnah wa lai puræ yong ka Seiñ Kur Dkhar East Jaiñtia Hills District, kiwa dapoi ha ka kyrdan “Top 20” ha ki Exam Class-X wei Class-XII yong ki wa ha kiwon kiwon ki Exam yong ki kyrdan puræ yong ki kiwa ya ryngkat kyrdan waka Class-X wei ka Class-XII kiwa man ki Exam wa da tipmit da ka sorkar jylla næ da ka sorkar India.
Chooh chooh, heiyatoh wa itai i pynkup burom wei e Excellence Award, ka seiñ dow pynkup burom wei e Excellence Award lang haroh ko ya kiwon kiwon ki khon khynroo-khyllood yong ka Seiñ Kur Dkhar East Jaiñtia Hills District, kiwa da wanrah ya ka naam ka burom ya ka Kur Dkhar ha East Jaiñtia Hills District kiwa da jop ya kiwon kiwon ki jait yakob (Competition), kam ha ki kaam yalehke (Sports & Games) wa ha kiwi kiwi tawon ki kynja yakob wa jop ki ya kiwa da pynleh ha ka kyrdan State Level chaneiñ da ki bor wa da tipmit da ka sorkar.
Ya katai ka pynkup burom wei e Excellence Award, u e du ya kitu ki khynnah puræ namo ki khynroo-khyllood kiwa da Pass næ jop ha kitai ki kyrdan wa da kdaw haneiñ ha u snem 2022 wei hadooh 2023, kiwa man ki khon yong ka Seiñ Kur Dkhar East Jaiñtia Hills District, wei kiwa toh kiwa chong chnong wa pura yong ka East Jaiñtia Hills District donhi.
Kamtæ heiyatoh wa kani ka bynta, neibhah wa boon ware ki khon yong ka Kur Dkhar ha East Jaiñtia Hills District, ka seiñ kyrpaad ko ya ki khynnah wa puræ wei ya ki khon khynroo-khyllood yong ka Kur Dkhar East Jaiñtia Hills District, wa lada em kiwa da poi cha kitai ki kyrdan wa ka thong jop waroh ar wa da kdaw haneiñ, u sñiawbha ki u phah ya ki kot ki sla wa emkaam yong ki, kiwa da dep pynsakhiat (Attested), kam ki Marksheet (neibynta ki khynnah puræ), ki Certificate, ki Residential Certificate, chirup wa kiwon kiwon ki kynja wa dei thoh namo i pynbna wa da pynmih paidbah da ki bor wa toh u pait ya kiwa kam kitæ ki jait yakob wa jop ki kam wow pynsakhiat yei Pass namo i jop yong ki.
Ya kitai ki kot ki sla wa da kdaw haneiñ ye ki u pynpoi ha ki kti yong kitai kiwa yahkhmat yong ka Seiñ Kur Dkhar East Jaiñtia Hills District, kiwa da kdaw pyrtuid haneiñ, namo da kawa Scan deiwa che bha, dep te phah lyngba ka Email, “[email protected],” lane ha kini ki WhatsApp Number 9615400135/7005208334, hapoh yong ka 14 tarik u Naisaphra (August), 2023.
Neibynta i yutip wa rap bniah heiyatoh wa katai ka phang wa da kdaw haneiñ, ye phi u Phone ha kini ki Mobile Number: 9615400135/7005208334 nadooh i por 10:00 waje i step hadooh 10:00 waje i miet.
Discussion about this post