Da ka Follow-on hap leh ka Nagaland ha ka sngi wa ar pyrchah ya ka Meghalaya

Shillong: Ka Meghalaya ynne ha ka sngi wa ar ka Ranji Trophy pyrchah ya ka Nagaland da pynbor ko ya ka Nagaland wow leh ya ka “Follow-on” neidaw wa duna waræ i kamai run ka Nagaland wei ka Meghalaya kattu da ye ko u jop ya ka yalehke da ka chi Innings wa dang sah sa ar sngi ka yalehke.

Ka Meghalaya da pteiñ ko na ynnin deiwa yoh ko 338/5, wei ynne ka sngi da ye ko u kamai sa 51 Run chwa u haap lut ki Wicket ko wei da yoh ko 389 Run.

Ka Nagaland hawa Bat ko da yoh ko 90/6 hadooh i por dih cha heiwa uwa kawang bol ka Meghalaya u Lakhan Singh wa u Gurinder Singh da yoh ki mar le Wicket.

U Aditya Singhania won da pynhaap u sa 3 Wicket wa u Gurinder da pynhap ya u Wicket wa khaddooh.

Related posts

Sdang ka 15th Money Knock Out Football Tournament 2026 ka Sutnga Mission SC&CC

August 1, 2026

3rd Division EJHDFA: Jop ka Nongthymme, Umrasiang wa ka Marshaphrang

July 31, 2026

Kamtæ ka Nagaland da ye ko u kamai 106 Run iwa bood da 283 Run ya ka Meghalaya.

Neidaw wa ym em ye ka Nagaland u poi hapoh 200 Run na iwa kamai ka Meghalaya u Captain ka Meghalaya u Jason Lamare da phah Bat biang (Follow-on) ya ka Nagaland wei hadooh wa kut ka yalehke ynne ka sngi ka Nagaland da yoh ko 31/0, iwa 252 Run dang tam ka Meghalaya.