Ynnin ka sngi, ka rel wa tip kam ka Silchar-Guwahati Express kawa kit kamwa 1000 ngut ki bru da sahkut ko ha Ditokcherra neidaw wa sih ka yingkieñ wa lai luti kani ka rel hadien wa joor u slap ha ka thaaiñ mihsngi waroh hi kawi wei ym ye ko wow randien leh neidaw wa da chlai um wei da tymmoh i ktieh u moo ya ka luti rel.
Ya kini kiwa sahkut da wan wow kit da kawi won ka rel kawa da wan na chilliang ka yingkieñ wei da kit ya ki cha Damchara yow yoh baam yoh um wei da kit won ya ki cha Badarpur.
Da em leh ki 119 ngut won kiwa wan wow kit da ka Helicopter ka Indian Air Force wei kini ki thaw toh kiwa em hapoh ka Dima Hasao District, Assam.
I oor khyndaw ha Assam da jia i ha ha New Kunjung, Fiangpui, Moulhoi, Namzeurang, South Bagetar, Mahadev Tilla, Kalibari, North Bagetar, Zion wa ha chnong Lodi Pangmoul katkam wa pynitp Assam State Disaster Management Authority (ASDMA).
U slap wa joor da pteiñ u wei kani ka rel wa sahkut kawa da ye u li booh ha Halflong Station da chah rah ko ha i ktieh wa ka um ynne i step.
