Jowai : Ynne ka sngi kam ka dak wow pynyoo yei yatylli wei wow pynyoo yei kyrchaan kiwa boon ya ki paidbah ka Nahar Kailin wa ka Nahar Aslom, da pynman ya ka yakhi wa jai jai haphrang ka Moulvibazar Press Club.
Ya ini i yakhih pyrchah da pynman da ka Bangladesh Poribash Andolon (BAPA), ka Bangladesh Adibasi Forum, ka Indegeneous Student Action Forum, ka Christian Hindu Buddhist Alliance Group of Bangladesh, ka KSU Sylhet wa ki bru paidbah ka Moulvibazar wa ki paidbah ki chnong hapoh ka Moulvibazar.
Da em leh ka yalang wa tbian heiwa da yoh yei klam na ki wa krehkaam yong kini ki seiñ wa wan chim bynta ha kani ka sngi.
Katkam ka yutip wa tikna wa da yoh wei hei yoh u yaklam u Wyrta wa uwi u Muktiar (Pleader) wa em ha Moulvibazar u ma B. Lyngdoh da pyntip u wa ha kani ka 26 tarik daw em ka bichaar (hearing) hei ytoh wa ini i kaam ha yung krehkaam u Additional Divisional Commissioner (Revenue).
Ynne ka sngi da man ka yapyrchah wa jai jai heiwa da ki spah ngut da wan chim bynta ki wei da rah leh ya ki placard wa ki banner wow pyrchah ya ka hukum beh chnong ya ki paidbah na ki ar chnong kitæ na Nahar Kailin wa na Nahar Aslom ya kiwa da khut kam ki Nahar Punjee, ha Moulvibazar, Bangladesh.
Neilian u Wyrta da bood dien u ya kani ka khubor man ki sngi.
Discussion about this post