Ka HNLC lyngba u General Secretary yong ka da pyntip ki wa da sñiawngooh ki yei bien ka sorkar Meghalaya kamjooh ka sorkar India wow thung ya ki ksiang yow lai chakmat wow yaklam yasuk hapyrdi ka HNLC, ka sorkar Meghalaya waka sorkar India tangwa ka seiñ dang yang ko wow yoh ya ka chithi naka sorkar Meghalaya wa da thung ya u Peter S. Dkhar (Retd IAS) wa u A.K. Mishra (Retd IPS) kam ki ksiang.
Neiliang ka HNLC da pyntip ko wa da jied ko leh ya u wow yachem wa ki ksiang heijooh i por leh da sdang ya ka Hynñiewtrep Peace Committee, heiwa kiwa yahkhmat niam, ki bru paidbah wa ki NGO daw embynta lang ki ha kani ka Committee yow pyntikna wa lai bait ka yaklam yasuk.
Ka HNLC da kyntu ko leh ya ki pulit wow sangeh u kem, u kynreh wei wow pyndik ya ki bru yong ka du neidaw wa suba wa pteiñ ki wow yajooh waka HNLC.
Da ong wa deiwa leh ya ini daw pynthut ko ya waroh ini i yaklam yasuk, kamtæ emkaam wow burom kylliang wei wow pynneh yei chaniah.
Da ong leh wa hanla ym em pynbna ya iwon iwon i sangeh wow yasiat tangwa chimkhia ka HNLC wow pynsangeh ya iwon iwon i kaam pynmynsoo kam i dak wa pynyoo wa ym em lehstiñ yeini i kaam yaklam yasuk.
