Da ka JCB u pynkhle, ka Housie wa Rs. 1.5 lak, ki yadaw masi haka Fete ka Khim Iong Lum CSC, Thadmuthlong

Ka Khim Iong Lum Cultural Sports Club, Thadmuthlong daw pynman ko yaka Fete kawa ar sngi haka 26 wa 27 tarik uni u bnai (Jan) ha madanbol Mooknor.

Ha waroh kini ki ar sngi daw em ki yadaw masi heiwa haka 26 tarik daw sdang nadooh 12:00 waje pyrdi sngi deiwa em 4 tylli ki yadaw masi wei hei miet won daw em u DJ Lizo wow pynwyrngia ya ki paidbah deilang waka Bumper Housie kawa Rs. 50,000.

Haka 27 tarik leh daw sdang biang dei yadaw masi nadooh 11:00 waje i step heiwa waroh daw em 9 tylli ki yadaw masi katwa hei janmiet daw wan pynwyrngia da ki Chi Iung, u DJ Banshan waka Lily Sawian wei daw em leh ki One Start-Up Jaintia Models.

Ka Bumper Housie ha kani ka sngi man ko Rs. 1,00,000 wei daw pynkhle leh yaka Lucky Draw kawa man 1^st Prize da ka JCB, 2^nd Prize ka Mahindra Pick-Up katwa ka 3^rd Prize on da ka Alto K10.