Ynne ka sngi, da yoh u pynlait paidbah ya ki Ticket Lucky Draw yong ka Khliehriat West Youth Welfare Sport Club ha ka yalang wa da pynman ha yung krehkaam ka Club wei ya kini ki Ticket da wan wow pynlait da u Justine Dkhar, MLA warim ka Khliehriat deiwa emlang u Laskiboy Swer uwa man leh u President ka Club.
Ha chwa wow pynlait paidbah ya kini ki Ticket Lucky Draw da pynman yaka yalang wa tbian wa pynlai da u Premus Dkhar, Chairman Fete Committee ka Club uwa da pdiang burom ya waroh kiwa emlang ha kani ka yalang.
U Laskiboy Swer da e u ya ki kyntien kitbok kitrwiang yei thmu wa bha yong ka Club wow pynmih poisa khnang wow ye ko u pyntyllung bha ya ki kaam.
Hachwa u poi cha i pynlait paidbah ya ki Ticket Lucky Draw ka Club, da yoh leh yei klam wa tbian na u Justine Dkhar uwa da ong wa ka Club Khliehriat West da man ko kawi na ki Club wa da bna naam wei kawa da lai chakhmat bha ha ka kaam Football hapoh wa cha bar ka District ha ki por wa da dep wei hadooh katni leh. Neitæ i daw emkaam yaka Club u pynnan yaka Fete kawa heh khnang wow pynmih poisa wei da ong u leh wa ka Club Khliehriat West da man ko ka Club kawa duna bha u pynman Fete lada nujor wa kiwi, wei hawa pynman toh u pynman da ka Fete wa rap heh.
Da pynkut ya ka yalang da ki kyntien khublei na u Wanshwa Suting, Secretary Fete Committee ka KWYWSC.
Ki Prize kani ka Lucky Draw man ki kamni:
1st Prize- Maruti Suzuki Jimny
2nd Prize- Rs. 2,00,000
3rd Prize- Rs. 1,00,000
Da em leh 5 tylli ki Consolation Prize kiwa Rs. 10,000 kawi wei ka tarik u pynkhle ya kini ki Prize toh ha ka 09-02-24.
Ka Ticket man ko Rs. 300 chi Book wa Rs. 30 chi sla.
Discussion about this post