Da ka kor Xerox e sñiawbha ka Dalmia Cement cha ka Child Line

Jowai: Kam chibynta i lehkmen yaka Christmas wa ki khynnah wa pait wa sumaar ka Child Line Centre wa em ha Bishop’s House Lumbihsyntu, Mihmyntdu Jowai, u K.A. Mathew Unit Head ka Dalmia Cement Bharat, Thangskai Lumshnong wa ki wakreh yong ka, ynne ka 23 tarik da wan ki cha kani ka thaw wow e yarap yaka.

Ha kani ka sngi da yoh ya i klam pdiang burom ya ki wakreh yong ka Dalmia Cement da u Most Rev. Bishop Victor Lyngdoh DD, Bishop ka Jowai Diocese, bood sa ka rwai pdiang burom da ki khynnah ka Child Line.

U K.A. Mathew, hawa klam ha kani ka sngi, da pynsñiaw u yei kmen kawa khroo hawa ki wakreh yong ka Dalmia Cement da yoh laad ki wow chimbynta ha kani ka lehkmen Christmas lang wa ki khynnah ka Child Line Centre. Da pynsñiaw u leh ha kini ki khynnah wa sñiawngooh u ya u Blai wa lyngba kani ka Child Line Centre, hapoh i pynlai yong u Most Rev. Victor Lyngdoh, Bishop ka Jowai Diocese, da yoh ki yaka sumaar sukher kawa biang wei katwa yoh yutip wa emlang ki khynnah chynrang wa ki khynnah kynthai lyngba kani ka Centre wei lada emkaam da phah ya ki cha ka District Social Welfare Department yong ka sorkar Meghalaya. Hawa e yei sneiñ i kroo da ong u wa yow man ki khynnah kiwa tipbru tipblai, kiwa maya ya u Blai, kiwa ya maya para khynnah wei wow man kiwa sñiawngooh ya u Bishop ka Jowai Diocese, ya ki Phadar kiwa kreh ha Bishop’s House wa ya ki wakreh yong ka Child Line Centre, kiwa da i maya wa khroo kiwa da chim ya kani ka laad wow lum lang ya ki wei wow pteiñ ya i im wa tyrchaiñ yong ki ha ki sngi wa ki por wow wan.  

Neiliang ka Dalmia Bharat Cement kam ka yarap neibynta Child Line Centre, da e sñiawbha ki da ka kor Xerox Machine kawa da poi i dor cha ka chilak ynruphaw wi hajar tyngka. Ha kani ka lehkmen Advance Christmas yong kini ki khynnah da yoh leh ya i rwai lehkmen nalor i rwai Christmas da ki wakreh yong ka Child Line wa kiwi de ki rwai lehkmen da ki khynnah yong kani ka Child Line Centre.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi nalor ki wakreh ka Dalmia Cement, ki wakreh ka Child Line Centre, u Bishop Victor Lyngdoh da emlang u Phadar Ferdinand Dkhar Procurator ka Jowai Diocese, u Phadar John Michel Marboh wa kiwa chah khut sñiawbha.

Ya ka yalang lehkmen Advance Christmas da pynlai da u Phadar Manbha Pakem, uwa man leh u Director yong kani ka Child Line Centre.