Jowai: Haka lai paidbah ynne ka sngi kawa khut pynman daka HYC, JSM deilang wa I ksohkti lang kiwei won ki seiñ kam ka AHPUF wa kiwi, nalor ki bru samen, da khut da wer ya u paidbah wow ya ksohkti lang neibynta wow pynsñiaw yei pyrchah yaka CAB neibha u ktah ym pu yaka pateiñ wa katni khamtam dooh yaki pateiñ hadien.
Yaka lai paidbah namo ka Rally da sdang na laad Kiang Nangbah Government College, Jowai, ter ter u sarok lyngba ka Ladthadlaboh, Newhill wei da pynkut ha Iawmusiang deiwa kbai yei dawa ILP wei wow beiñ joor yaka sorkar jylla kamjooh ka sorkar bei hajrong i emkti wow e kyrchaan wa pura yaka CAB.
Kiwa e yei klam ha kani ka sngi da kyntu joor ko yaki paidbah wow mih chakhmat neibynta wow yakhun pyllait naka aiñ yong ka BJP.
Da ong ki leh wa ini ym toh neibynta du ki bynta ka kaam haki chnong ki thaw tangwa neibynta ka mynried ka ri yong i, wei da toh i por wow kbai wow kyrha neibhah wa kiwa mihkhmat hadooh katni ym sñiaw ki yei ood i naam ka sur u paidbah wa da pynsñiaw na i por cha i por.
Chooh chooh da khut leh wow yieñ khlem kawon kawon ka sñiawiaphær para seiñbhalang, i sñiawiaphær jaitbru, i sñiawiaphær niam, næ ka Politics wa kiwi khnang lait naki umsnam wa da jan tyllep yaka ri.
Da paan ki leh ya i duwai na kiwa boon wa lang wow kyrkhu kyrdoh ya ki khon ki kti, ki para doh para snam kiwa mih madan wow yakhun yaleh ya kani ka daw bah.
Discussion about this post