Jowai: Kiwa sikai SSA hapoh ka jylla daw sdang ki ya ka yakhih deiwa pynman ya ka lai paidbah ha ka 12 tarik uni u bnai ha Shillong ka wow sdang nadooh na madanbol Nongthymmai chadooh cha thaw pynyeiñ kari ka Additional Secretariat nadooh i por 11 waje i step hadooh 2:30 i sngi.
Ya kani ka rai da chim hadien wa ka sorkar jylla ym pynlait ko ya ka tulop wa sah (Arrear) la 8 bnai yong ka snem mang tynga 2016-17 kawa sah nadooh u Naiynñiaw (July) hadooh Khonchonglad (Nov) wa 4 bnai ka tulop nadooh u Naisaphra (Aug) hadooh Khongchonglad (Nov) uni u snem.
Kani ka tulop waka Arrear toh neibynta ki 12,481 ngut kiwa sikai SSA heiwa i e por ya ka sorkar da kut ko ynne ka sngi katkam wa pyntip u Aristotle C. Rymbai, President ka Meghalaya SSA School Association, seiñ bei.
Ka seiñ ha ka tayaw wa da dep da booh ko wow yachem (Appointment) wa u Montri Rangbah u Dr. Mukul Sangma wow yaklam wa oo heiyatoh wa ini tangwa ym em jubab u.
Kamtæ ka seiñ da kyrpad ko ya waroh kiwa sikai SSA hapoh ka jylla wow mih lang ki kamwa da rai ha ka tai ka sngi.
Daw em chwa ka yalang ha madanbol Nongthymmai heipor 9 waje i step chwa wow sdang ya ka lai paidbah.
Discussion about this post