Jowai : Ka seiñ Hynniew Trep Youth Council (WJC), ha ka 30 Kmaichonglad 2016 kam chi bynta wow kynmoo warom yei dap 154 snem wa yap u khlawait ka ri u Woh Kiang Nangbah da pynman ko da ka Leadership Training ha Winners Mind Foundation, Newhill, Jowai.
Kam ka seiñ kawa em ya ka thong wow kreh neibynta i bha i miat ka ri wa ka jaitbru da pynman ko ya kam kani ka esikai Leadership Training.
Ya ka yalang wa tbian da pyllai da u President ka seiñ u D.L. Lathong hei klam yong oo da ong u wa ha ka chi snem wa da lai ka seiñ da chem ko boon i eh i khoo wei da kreh ko leh yaki kaam ki wow kyntu kynrong ya ka jaitbru. Da ong u leh wa da pynman ya kani ka Leadership Training hajrong ka nongrim wow pynmih chiboon kiwa wa mihkhmat na ka bri u Ynñiawtrep kiwa man kam u Kiang Nangbah u wa da e da i mynsien yong oo nei bynta ka jait bru.
Da e khublei u leh ya ki wa kitkaam ka seiñ kiwa da kreh chitom yow poi ka seiñ cha ka thong.
Da yoh yei klam na u Jimmi Kharmuti uwi na ki waheh wa jooh e mynsien e buit ya ka seiñ kamjooh uwa man leh uwi na kiwa pynmih film Pnar.
Da yoh leh i klam sneiñ kyntu na u T. Sawian uwa man leh u Resource Person ha kani ka esikai, na u President HYC (CEC) u Peter J. Lawai wa kiwi kiwi.
Ha kani ka sngi da lai li booh syntu leh ha u Mot sahnaam u woh Kiang Nangbah ha Syntuksiar, Jowai.
Discussion about this post