Shillong: Ka District Legal Services Authority, East Khasi Hills District ynne ka sngi da pynman ko ya ka Legal Services Camp wa chi sngi ha chnong Smit wow kynjoh cha ki paidbah yow pynwiar i sñiaw yajngai heiwa da emlang u District Session Judge, East Khasi Hills District, u A. Kharumnuid, u Sordar ka Smit u K. M. Syiem wa kiwi kiwi.
Ha kani ka Camp da wan kiwa boon ki paidbah kiwa yoh yei pynche ya kiwa boon ki Scheme sorkar kiwa e yarap ya ki paidbah.
Ki paidbah leh da sñiawthooh ki yei hok yong ki wow yoh yarap na ka sorkar wei ya kam kini ki jooh ki Camp da pynman katkam wa phah ka National Legal Services Authority yow pynsñiawthooh leh wa ye u yoh yarap mynkna hawa yaleh mukotduma.
Ha kani ka sngi da em leh 22 tylli ki dukan wa da pynyieñ ki tnat sorkar yow pynsñiawthooh paidbah ya ki Scheme sorkar waphær waphær.
Discussion about this post