Jowai: Kam chibynta ka Systematic Voters Education and Electoral Participation (SVEEP) kawa pynkrehkaam u District Election Officer, West Jaiñtia Hills yow pynchlur ya ki paidbah wow thap pyrtuid ki hapoh ka Electoral Roll kamjooh wow mih lai li thap Vote, ynne ka sngi hei yatoh wa ini ka Theatre Club ka Thomas Jones Synod College, Jowai da pynman ki ya ka yalehke drama ha Iawpynsin.
Chwa kani da sdang chwa da i chaad na ki dkhot ka NSS Unit ka College.
Ka drama da rah ko ya khubor wow man kiwa thap Vote kiwa em i kitkhlieh wei wow pynemkaam hok ya ka Vote.
Ha kani ka drama da pynkynmoo ya ki paidbah wym hoi u chah pynbiej ha ka poisa, i kiad, i e sñiawbha da ki tiar ki tar wei wow jied ya u namo ka kyrtong deiwa pyrkhat ya ka mynried ka chnong ka thaw, ka jylla wa ka ri waroh kawi.
Da saam leh ya ki kot lakdop hei yatoh wa ini.
Discussion about this post