Da ka lehkmen Advance Independence Day pynman ka Lumtyngkrain SSA LPS

Ha ka thong wow khriñ yei pyrkhat pyrdaiñ ki khynnah chaphang ka sngi kyrpang i yoh laitlooid ka ri India, ka School Managing Committee yong ka Lumtyngkrain SSA LPS, Thadlaskein Block ha ka sngi Thymblein 12 tarik Naisaphra da pynman ko ya ka lehkmen Advance Independence Day Celebration 2023.

Ha kani ka sngi najrong ki khynnah skur da wan embyntalang leh da ki manbei manpa kam ka dak wow e mynsien ya ki khon ki nat yong ki kiwa puræ ha kani ka chlem e sikai.

Ha ka yalang wa kyrpang yong kani ka sngi hei pynlai u Andro Lyngdoh, Chairman SMC Lumtyngkrain SSA LPS da yoh i klam pdiang burom na ka Preciously Mary Syntem, Headteacher Lumtyngkrain SSA LPS neitæ i klam e mynsien wei batai ya ki khynnah chaphang ka yurim yong ka Independence Day na u Sambha Tyngkan, Programme Organizer wa na u S.D. Laloo, DCCM-SSA, West Jaiñtia Hills katwa hawa kut won, ka Perio Dhar, CRP Mukoh Cluster da e ko ki kyntien khublei.

U Sambha Tyngkan hawa klam ha kani ka sngi ha ka thong wow kyntu kynrong yei purae puthi da ong u wa i yakrehlang wa yajan hapyrdi ki khynnah, kiwa sikai wa ki bei ki pa toh iwa emkaam wei da kyrsu kyntu u leh ya ki manbei manpa wym hoi u e laad ki wa ki khon ki ksu yong ki u pep skur ki chiteiñ por næ u pyndooh ki yei hok yong ki neibynta wow tip ki u thoh u puræ neibhah i yoh yei stat i tip toh ka wait wa ye u thwat luti yei sahdien sahdoom yong i longbru manbru kamjooh yong ka yung ka sem waka chnong ka thaw.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U S.D. Laloo won da ong u wa ka Independence Day toh ka sngi wa khroo wa kyrpang yong ka ri India kawa da lehkmen leh burom ha chityllup ka ri ha ka yurim wow pynkhroo yei naam i pyrtuid kiwa yaleh laitlooid ki khlawait ka ri kiwa da e kti yei mynsien neibynta ka ri waka jaitbru wei da kdar u leh kyrpang wow khana pynsñiaw hapyrdi ki khynnah yei parom u Kiang Nangbah khlawait ka Ri Khad-Ar Dolloi, uwa da chah pasi ha ki chipai ka sorkar pharæng ha ka 30 tarik Kmaichonglad 1862 heiwa ki kyntien Blai kiwa klam u chwa wow pasi ya oo daman sakhiat ki ka sakhi sabut ya ka Ri Khad-Ar Dolloi kamjooh ya ka ri India kawa da yoh yei laitlooid na ka sorkar pharæng du hapoh 100 snem.

Chooh chooh ha kani ka sngi da pynkmen pynka-it ya ki khynnah da ki rukom lehke wa ki yakob waphær wa kynthup ya ka General Knowledge, Drawing-Painting, Patriotic Song Competition wei najrong neitæ da pynchongchit leh ya kani ka sngi da ki chaad wada chimbynta da ki khynnah.