Da ka Lympung yakop Inter Sunday School pynman ka UUNEI

Jowai: Faith Development Committee Unitarian Union North East India (UUNEI) da pynman ko ya ka yachemlang ki khynnah wa ki nongsikai yong ki Sunday School kiwa em hapoh ka seiñlang haka 18 tarik u uni u bnai haka Yungmane ka Balang, Jowai.

Da sdang ya kani ka  yachemlang daka yaseiñ kawa da yahkhmat da u Rev. N. Suting General Secretary UUNEI wei da yoh leh yei klam na u ma Marki Passah uwa man kam u Secretary ka Balang, Jowai. Da ioh leh yei rwai wa kyrpang na ka Sunday School, Phangwah ka Balang Jowai katwa yaka duwai da yahkhmat da u ma Homelad Lamar.

Hei bynta wa nyngkong da yoh ya ka yakop recitation naka bynta ki khynnah pre-Nursery wa Nursery. Ya ka kyrdan kawa nyngkong da rah da ka Wanbanri Mylliemngap naka Sunday School ka balang Nongkrem, ka kyrdan wa ar da yoh da ka Insakara Rani naka Sunday School ka balang Laban wa ka Nafisabeth Law na Sunday School ka Mukhap katwa yaka kyrdan kawa le da yoh da ki arngut ka Daphilaikmen Khongiong naka Sunday School ka balang Wahmawlein wa ka Cannizza R. Lyngdoh Kynshi naka Sunday School ka balang Madan Laban.

Haka yakop Arts Competition kawa da pynman  nei bynta ki khynnah Primary stage yei naam wa nyngkong da yoh da ka Marbakor Janai Mukhim naka Sunday School ka balang Nongthymmai, yaka kyrdan wa ar cha ka Nerrisha Sohtun naka Sunday School ka balang Laban wa yei kyrdan wa le da yoh da ka Balarisha Kshiar na ka Sunday School ka balang Mawsynjri.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Haka yakop ialehke Skit nei bynta ki khynnah Secondary wa ka Final stage yei naam ka skit kawa yoh nyngkong da yoh da ka Sunday School ka balang Nongkrem, ka naam wa ar da yoh da ka Sunday School ka Madan Laban wa i naam wa le da yoh da ka Sunday School ka Jowai phang wah.

Hei yakop rwai dhab yei naam wa nyngkong da yoh da ka Sunday School ka balang Puriang, i naam wa ar chaka Sunday School ka balang Nongkrem katwa yei naam wa le cha ka Sunday School ka balang Madan Laban wa ka Sunday School ka balang Unitarian Phangwah.

Da pynkut ya kani ka yachemlang da ka yaseiñ ia kawa da yahkhmat da ka kong Battinora Rani ka Director Religious Education wei da yoh leh yei klam sneiñ kyntu na u ma Niwen Shylla Vice President ka UUNEI wa i klam kyrkhu na u Rev. S. Laloo