Ka Sports and Youth Sub Committee ka seiñ War Jaintia Students’ Union da pynkhreh ko wow pynman ya ka lympung yalehbol wa tip kam ka 1st War Jaiñtia Invitation Football Tournament 2025 ha madanbol ka chnong Amshipai, Amsohkrut kawa haap hapoh ka Amlarem Civil Sub-Division.
Kani ka lympung yalehbol u sdang ko ha ka 12-04-2025 wei ki Team wow yakhun ha kani ka sngi sdang toh ka Iatyllilang Lumsehkot Cultural Sports Club Raliang kawa man kawa jop na ka Laskeiñ Region (Block) West Jaiñtia Hills pyrchah ya ka Amlarem Social Club kawa man kawa jop na ka War Jaiñtia Region.
Ha kani ka lympung daw chimbynta hadooh 8 tylli ki Team, 4 tylli napoh ka thaiñ War Jaintia kam ki Host Competitors, katwa ki 4 tylli won kiwa na baar wa kynthup kawi na Laskeiñ Region, kawi na Thadlaskeiñ Region kiwa haap hapoh West Jaiñtia Hills, kawi na Saipung Region yong ka East Jaiñtia Hills wa kawi na Pynursla Region yong ka East Khasi Hills.
Ka Sports and Youth Sub Committee dadep pynkhle ko leh ya ki Team wow yakhun ha kani ka lympung, heiwa ha ka First Round Quarter Final ki 4 tylli ki Team na baar daw yakhun ki wa 4 tylli ki Team wa napoh ka thaaiñ War Jaiñtia.
Ka Opening Ceremony kani ka lympung daw sdang heipor 2:00 waje i sngi yong ka 12-04-2025.
Ka lympung yakhun haka 19-04-2025 toh ka Lamyrsiang SC kawa napoh Saipung Region pyrchah ya ka Lamin Eleven SC kawa napoh Amlarem Sub-Division heipor 2:00 waje i sngi.
Ha ka 26-04-25 ka yakhun toh hapyrdi ka Nongkhohrim SC kawa na Thadlaskeiñ Region pyrchah ya ka Padu United kawa napoh Amlarem Sub-Division heopor 2:00 waje i sngi.
Ha ka 03-05-25 ka yakhun u man ko hapyrdi ka Nongmadan Sport & Cultural Club kawa na Pynursla Sub Division pyrchah ya ka Syndai Pyllun Sport Club kawa napoh Amlarem Sub-Division.
Ka Sports and Youth Sub Committee ka seiñ daw pynbna ko ya ki yalehke (Fixture) yong ka First wa Second Semi Final wa ka yalehke Final kamjooh.
Kamtæ heiyatoh wa kani ka lympung yalehke neiliang ka Sports and Youth Sub Committee ka WJSU da khut sñiawbha ko ya waroh ki President, Secretary wa ki Manager yong ki Club wa bna naam ka Shillong League kamjooh kiwa mihkhmat ki Club Northeast India wow wan sakhilang ki yei sap yalehke ki bru ka thaaiñ kamjooh kiwa wan na baar.
Heijooh i por leh khut kyntu kyrsu ko ya ki bru ka Riloom Jaiñtia wa kiwa na baar, khamtam ya kiwa naka thaaiñ War Jaiñtia wow sñiawbha ki u ya wan e kyrchaan ya kani ka 1st War Jaiñtia Invitation Football Tournament 2025.
Kani man ko leh kam chibynta wow pynmih poisa yow phah lai Training ya 50 ngut kiwa sikai skur ka Amlarem Sub-Division wow leh da ki bru ka ICFAI University, Meghalaya wei wow booddien leh ya ka kiwa yoh Top 20 ka Exam wa pynman neibynta ka 1st War Jaiñtia Scholarship.
Discussion about this post