U Wailadmiki Shylla, u Montri wa pait ya ya chnat Sports & Youth Affairs hawa lai pynhaap pyrda u ya ka lympung yalehke Basketball wa pynman da ka NPP Loompyrdi Iongpiah Unit hei miet ka 17 tarik uni u bnai, da kular u wow pynbha pynmiat ya ka madan yalehke Basketball ka Loompyrdi Iongpiah, Jowai nadooh wow kylliang noh ya ki Backboard deiwa booh da ka Fiberglass, u pynwandur ya ka madan najrong wow booh Flood Light khnang wa ki khon khynroo khyllood ki wym yoh por u kyndeh dei sngi leh u yoh ki u yalehke dei miet.
Hajrong ini i angnood u wow pynbha pynmiat ya ka madan Basketball, yooluti u wa ka chnong Loompyrdi Iongpiah leh u e bor ko khang yow ye pynmankaam yeitæ.
Heijooh i por khana haroh u ya ki kreh wa da mang neibynta ka Jowai Constituency heiyatoh wow kyntu kynrong yei sap lehke Sports.
Ha kani ka yalehke Final da emlang haroh u K. Passah, Assistant Director, Sports & Youth Affairs, uwa man leh u DSO ka West Jaiñtia Hills District, kiwa chah khut sñiawbha najrong ki paidbah wa wan sakhi.
Ha kani ka sngi u Wailadmiki da chimbynta haroh u wow yalehke Friendly Match iwa da man hapyrdi ka Team yong oo pyrchah ya ka Loompyrdi Iongpiah.
Neitæ ha ka yalehke yakhun Final kani ka Knockout Basketball Tournament, ha ka yakhun yong ki kynthai ka Dream Team da jop ko ya ka Loompyrdi Iongphiah deiwa yoh 52- 09.
Ha ka yakhun yong ki chynrang won, ka Ladthadlaboh da jop ko yaka Mookyrdup deiwa yoh 75-73.
Discussion about this post