Jowai: Chibynta wow sdang yei yakhih ka Central Executive Committee yong ka Meghalaya SSA School Association (MSSASA) Central Body, ynnin da pynbna ko ya ka yakhih 1st Phase Democratic Movement kawa ar sngi da ka “Mass Casual Leave” heiwa kiwa sikai u chim chuti ki na ki skur ha ka 24 wa 25 tarik uni u bnai.
Kani ka yakhih toh wow pyrchah ya ka sorkar jylla wa ka Ministry of Human Resources Development, ka Department of School Education and Literacy, Govt of India yei wym pynlait de ya ka tulop yong ki.
Ya kani ka rai da chim hadien wa ka sorkar jylla ym em pynlait ko ya ka tulop yong ki kawa san bnai nadooh u Naitung (April) hadooh Naisaphra (August) uni u snem wa ka Arrears wa phra bnai yong u snem 2016-17 nadooh u Naiynñiaw hadooh u Thohlakhmi (February 2017) yong ki 12541 ngut kiwa sikai Elementary ha ki palat 5000 tylli ki skur SSA ka jylla hapoh yong ka New Integrated Scheme for School Education – Samagra Shiksha Abhiyan ya iwa ka seiñ da dawa ko wow pynlait hapoh 19 tarik uni u bnai.
Ka seiñ da kyntu ko ya waroh kiwa sikai SSA wa ki School Managing Committees (SMCs) wow kyrchaan ya ini i yakhih wa ar sngi.
Discussion about this post