Ka seiñ Akhil Bharatiya Vidyarthi Parishad (ABVP) Jowai Unit da lehkmen ko ya i dap 76 snem yong ka seiñ ynne ka sngi deiwa pynman da ka Mini Marathon ha Jowai heiwa da wan chimbynta kamwa 60 ngut kiwa em nadooh 14 hadooh 30 snem i rta kynthai wa chynrang.
Chwa wow sdang ya ka Marathon da pynche leh chaphang ka seiñ wa kamjooh heiyatoh wa ynne ka sngi da u Firstly Sari, State Sports Convenor deiwa emlang leh ka State Joint Secretary ka ABVP, ka Delis Shylla wa kiwi kiwi kiwa kitkaam ka ABVP na ki Unit waphær waphær.
Cha kiwa jop ha kani ka Mini Marathon da saam da ka song poisa kamjooh ki Certificate wa ki Memento cha kiwa jop ha ki kyrdan waphær waphær yong ka Marathon.
Kiwa jop ha ki chynrang:
Da yoh nyngkong u Knerlang Phawa (Tuber Kmaishnong), wa ar da yoh u Teiboklang Biam (Sabah Muswang) katwa hei wa le da yoh u Sting Phawa (Tuber Kmaishnong).
Kiwa jop ha ki kynthai:
Da yoh nyngkong ka Phyrnai Kyndait (Mukha Ialong), hei wa ar da yoh ka Wasati Phawa (Mihmyntdu) katwa hei wa le da yoh ka Marwa Shylla (Sabah Muswang).
Discussion about this post