Ka yung krehkaam u Chief Electoral Officer, Meghalaya daw sdang u ya ka #Mission 300- My Vote My Valentine ha ka 14 tarik uni u bnai ha Community Hall cum Sports Complex, Dorbar Shnong Jaiaw Shyiap Lumpyllon heipor 7:00 waje i miet.
Da leh yeini yow chimkhia hajrong i duna kiwa wan thap Vote ha ki kattu katni ki Polling Station deiwa chim ya 5 tylli na kawi pa kawi ka Constituency heiwa kiwa wan thap Vote man ki du hapoh 87%.
Ya kani daw sdang na North Shillong Assembly Constituency wei daw pynman ha ki 7 tylli ki Constituency ka sor Shillong wa kiwi ki District kamjooh.
Ki waheh chnong, ki seiñ khynroo wa ki Election Icon daw wan ki wow chimbynta ha kini ki Polling Station wa duna kiwa wan thap Vote.
