Kam chibynta yow sñiawthooh yei man i long ka thaaiñ Northeast hapoh ka ri India la heiyatoh i rukom man ki bru, ki soodong sookun, ka riti dustur, i synchaar khadar wa kiwi, neiliang ka Northeast Adventist University Khliehtyrshi ha ka 8 tarik uni u bnai da pynman ko da ka National Conference ha Auditorium ka University heiwa da wan wow chimbynta da ki bru chemphang, kiwa sikai wa kiwa lai puræ na ki jylla waphær waphær ka ri deilang kiwa purea ha kani ka University.
Ki bru chemphang wa da wan e i klam ha kani ka sngi kynthup ki ya ka Prof. Ajailiu Niumai, Professor of Sociology and Head, Centre for the Study of Social Exclusion and Inclusion Policy, University of Hyderabad wa u Prof. T. T. Haokip, Professor of Political Science, North-Eastern Hill University (NEHU) kiwa da klam ha jar jiar ka phang iwa yatoh wei man i long ha ka thaaiñ Northeast wa i man i long ha ka ri heiyatoh ki soodong sookun, ka riti dustur, i synchaar khadar, i hok ki kynthai, i jynjar wa maad ki wei iwa da wanrah ki kynthai hei roi i paar wei suk i saaiñ ka thaiñ Northeast.
Ha kani ka sngi da yaklam ki leh hajrong kammon ka ri India waroh kawi kyruiñkhmat wei klam ki ya ka Northeast, wei ya i man kyrpang ka thaaiñ kamjooh iwa da yaleh ki wei lada yoh hi ko mo i tipmit, i burom ha ka ri.
Deiwa booh yukylli leh wa lada i sur ka thaaiñ Northeast heiyatoh wa ka thong i jop, i maad jynjar saja ki bru da wanrah yaklam pynsñiaw hi mo deiwa toh rukom.
Lyngba kani ka Conference yooluti ki wow ye u pynku yei man salonsar i yoh tipmit ha ka ri, kamwa ka thaaiñ Northeast toh ka bynta yong ka ri India hi wei ymtoh kawa jngai namo ka thaaiñ kawa phær.
Discussion about this post