Ka yung bichaar u Chief Judicial Magistrate, Tura da pynmih u ya ka Non-Bailable Warrant yow kem ya u Vice President ka Meghalaya BJP kamjooh u MDC ka Tura, u Bernard N Mark uwa da chah pynbaad wa pynemkaam ya ka Farm House yong oo kawa tip kam ka Rimpu Bagan yow leh ya ki kaam pyrchah aiñ hadooh wow pynman kam ka thaw booh kynthai kawa em ha Edenbari, Tura.
U Bernard toh uwa da wiar nadooh wa chah kynreh ka Farm House wei da yut u cha Delhi yow yachem wa ki heh ka Party heiwa da kyntait u leh ya waroh kiwa da chah pynbaad u deiwa ong wa ini waroh toh ki kaam Politics pynbood naam ya oo.
Da ong u leh wa oo ym em yut u na ka aiñ wei da lai u cha Delhi du yow pynsñiawthooh ya ki heh ka Party.
Da kdaw u leh wa kammon ka BJP katni da sdang ko wow sooh thied ha Garo Hills heiwa oo kam u kyrtong ka BJP da jop Election u na Tura, kamtæ u Montri Rangbah, u Conrad Sangma da khuslai u yeini.
Ki pulit da pyntip ki wa ha ka miet ka 22 tarik da phah wan pyndem ya u Bernard ha Sardar Police Station, Shillong tangwa da yut noh u nyngkong cha Guwahati wei hadien wa tip yeini, da hær u cha Delhi ha ka 24 tarik.
Puræ leh: Da phah ya ki pulit wow wan siat yap ya nga: Bernard N Marak
