U DC ka West Jaiñtia Hills District da pynmih hukum u ynne ka sngi kam chibynta wow kdoh u khoom yei poor ka khlam COVID-19 ka wow krehkaam nadooh ka 6 tarik uni u bnai hadooh wa pynbna da kamwi.
Ka hukum da khang ko wow pynman ya kiwon kiwon ki jait yalang nadooh ki yong sorkar, paidbah wa yong ki seiñ saiñhima. Tangwa hawa em ki bia u chah du 50% na iwa chniam ki bru lada pynman hapoh yung wa 100 ngut lada pynman cha lait.
Hawa em i yap bru u chah du 50 ngut ki bru.
Waroh kiwa psiah chapoh ka jylla/District wa kynthup ya kiwa da dep yoh tika pura hap ki wow pynyoo ya ka RT-PCR Negative Report kawa da leh hapoh 72 kynta chwa wow poi ha ka Covid Screening Centre wa em ha ki Entry Point wei lada ym em ya kani daw hap ki wow leh ya RT-PCR Test. Ya kitu kiwa chah Test ha ki Entry Point daw hap ki wow chong kset samen hadooh wa yoh ya ka Report.
I lai cha kiwi ki District da ki kari ki bru samen toh deiwa bood ya ka Odd-Even Rule iwa man kamni ha wah:
| Ki Sngi | Ki kari wa kut da u Number |
| Monday | Odd (1,3, 5, 7, 9) |
| Tuesday | Even (0, 2,4, 6, 8) |
| Wednesday | Odd (1,3, 5, 7, 9) |
| Thursday | Even(0, 2,4, 6, 8) |
| Friday | Odd (1,3, 5, 7, 9) |
| Saturday | Even(0, 2,4, 6, 8) |
| Sunday | Ym krehkaam ka Odd-Even |
Daw pynkrehkaam leh ya ka Night Curfew nadooh 10:00 waje i miet hadooh 5:00 waje i step man-ka-sngi. Tangwa da pynlait ya kini:
Ki kari wa leh ya ki kaam wa yatoh wa i chait i khiah, ki kari kit dawai dachin, ki kari wa lai e tika, ki kari wa kit mar wa emkaam, ki bru wa leh ya ki kaam sorkar ki wym hoi u dam, ki pulit, ki chipai, ki Home Guards, ki Fire & Emergency Services, ki kaam wa yatoh wa i bordiñ, umkor, saam rachon, Information and Public Relations, Telecommunication Services, Print & Electronic Media, NARI/ 19171TEAMS, Petrol Pumps, LPG Distributors, ki kaam wa yatoh wa i ri wa psan mrad nadooh i pynbiang ya i baam.
Da phah leh ya ki paidbah wow myllien ki wow deiñ Mask ha ki thaw paidbah, u pynyajngai uwi ya uwi, u lehkhooid ya ki kti deiwa sait bha da ka um wa i sabon ym duna 40-60 Second wa 20 Second da ki Sanitizers. U tymmoh ya ki ktien hawa ky’oh wa synrieh wei wym toh u mynthu ha ki thaw paidbah.
Lada em kiwa yoh ki dak ki chin wa chitom ye ki wow Phone ha u Helpline 14410 lane deiwa lai cha ki CHC/PHC.
