Ka Dorbar Chnong Khimmusniang lyngba ki khon ka chnong kam chibynta wow kyrchaan wei wow yarap ya ki ar ngut ki ASHA kiwa da kreh haphrang dooh wow yakhun ya kani ka khlam COVID-19 nadooh wa sdang, ynne ka sngi da lai e yarap da ka song poisa cha kini ki ASHA ka chnong.
Kam ki waheh wa chong wa sah hapoh ka chnong Khimusniang dei mynsien wa khian da ya phone ki chi lok wow pynlang ya ka poisa neibynta ini i e yarap sñiawbha.
Kini ki chi lok kynthup ki ya u F.W. Blah, u F.J. Lamare, u P.L. Rymbai, u J.Bareh, u C. Lyngdoh wa u E. Syrti.
Neiliang kini ki waheh ka chnong da e ki yei kyrkhu kyrdoh ya kini ki ASHA wow yoh ki dei chait i tram waroh ha yung ka sem yong ki khnang wow ye chooh chooh ki u pteiñ u e chakri ya ki khon yong ka chnong.
