Da ka poisa ya ki khynnah wa tulop cha kiwa sikai e yarap u Kerist Mukhim ya ka skur RCLP Bamkamar

Kam chibynta i e yarap e kyrchaan wa khian, kamjooh leh i pynchlur heiyatoh i puræ puthi neibynta ka skur RCLP Bamkamar, West Jaiñtia Hills District, neiliang u Kerist Mukhim uwa na ka chnong Mookabeng, West Jaiñtia Hills District ha ka 8 tarik uni u bnai da e yarap u da ka poisa ya ki khynnah skur kamjooh kiwa sikai kani ka skur.

Neibynta ki khynnah skur da e sñiawbha da ka song poisa Rs. 2000, Rs. 1500 wa Rs. 1000 ya kiwa yoh nyngkong, wa ar wei hei wa le ha ka Class IV. Ya kiwa sikai won kiwa em le ngut da e yarap u mar ar bnai ka tulop ya ki.

Kani ka skur toh kawa da seiñ nadooh u snem 1957 deiwa su tulop bait da ka Balang Roman Catholic Bamkamar khlem pu yoh yarap na ka sorkar. Wei kamwa man kattæ i boon khynnah da kynjoh cha 80 ngut.

Neiliang ka Balang Catholic Bamkamar dap ko dei sñiawngooh yei kyllooid mynsien uni u waheh, wei da e ko leh i kyrkhu kyrdoh ya oo wow Blai u nang emlang u chirup wa oo ha ki liang waroh.

Related posts

E sñiawbha u manpa ya ki thaw wa chongdor Rs. 4 klur cha ka Mandir hadien wa chah iehbieñ ha ki khon

June 29, 2025

Sdang biang i lai ki rel cha ki jylla ka thaaiñ chaneiñ mihsngi

June 29, 2025

U Kerist Mukhim da ong u wa ini toh i e sñiawbha yong oo kam chibynta ki kaam wa bha haka imlang sahlang deiwa kyrkhu u Blai ya oo.

Kamtæ yooluti u wa kani ka skur u nangroi ko hei puræ puthi ha ki sngi ki por wa chakhmat.