Jowai: Ka National Service Scheme (NSS) ka Thomas Jones Synod College wa ka Kiang Nangbah Govt. College da pynman ko ya ka Rally wow kynmoo warom ya ka Swachhta Pakhwada ynne ka sngi.
Ha kani ka Rally da em kamwa ar spah ngut ki dkhot ka NSS wei da sdang ya ka na Thomas Jones Synod College dei kaweh lama u Principal kani ka thaw puræ, u Dr. R.R.Kharkongor uwa da kyntu leh ya ki wow pynman ya kani ka thaw puræ kawa khooid.
Ya kani ka Rally da yahkhmat da u Programme officer ka Collge u Wandy E.H.Lamin wa u Marki Passah uwa man leh kam u Programme Officer ka NSS ha Kiang Nangbah Govt. College.
Ka thong yong kani ka Rally toh wow pynsñiawthooh paidbah yei kordor i khooid i jngiar wei wow pynduna yei pynemkaam plastic.
Ya ka Rally da lai talawiar na Iawmusiang-DC Office- HK Sing SS- Chutwakhu-Mission Compound-Tpep Pale-Wahnangbah-Iawmusiang- wei da pynkut ya ka ha i thaw wa sdang ko ha Thomas Jones Synod College.
Ha tymbud luti ki dkhot ka NSS da kbai ki leh ya ki kyntien sneiñ wow pynman ya ka chnong ka thaw kawa khooid, wymhoi u noh roi yei jhep, u pynemkaam ya ki tin pyllang jhep wa kiwi kiwi.
Discussion about this post