Jowai: Ka West Jaiñtia Hills District Executive Force, chirup i yakrehlang wa ka Royal Enfield Riders Of Meghalaya Police ynne ka 14 tarik da pynman ki dei yah thuk-thuk kawa da tip kam ka Love to Ride, Love to Vote.
I pynman ya kam kani ka Rally yah thuk-thuk toh chibynta u pynsñiawthooh paidbah hei yatoh wei hok yong ki neibynta u jied ya kiwa mihkhmat kamwa ka sngi thap Vote dajan ko.
Ya kani ka rally da kyrchaan poisa da ka yung krehkaam u Deputy Commissioner West Jaiñtia Hills District lyngba ka chnat Election.
Wei kamwa ka phang hi klam ko “Free, Fair and Peaceful Conduction of Election” mut i wa kammon u yaleh wow wanrah i laitlooid, i man khooid wei chongsuk chong chngaaiñ ha kani ka Election wow wan.
Ya ka Rally da sdang na yung krehkaam u DC heiwa ya ka lama da kaweh da ka Additional Deputy Commissioner ka District, ka R.S.Manner, deiwa da lai chadooh cha Amlarem, manda poi ha Amlarem da yoh i klam kyntu kyrsu hei yatoh i hok thap vote na u SP ka West Jaiñtia Hills District u Lakador Syiem, kamjooh ka SDO Amlarem wa toh u pait ya ka Election ka J.U.Kharpuri.
Neitæ hadien ini da uiñ biang cha Jowai wei da pynkut daka yalang ha pchem ka Jowai Police Station wei heini won da yoh i klam kyntu kyrsu na u Additional SP u P. Syiem, i klam na ka Q. Fancon wa man kam ka Dy. SP wei klam e khublei naka I. Kharpran kawa man kam ka SI.
Discussion about this post