Ka India Meteorological Department (IMD), Shillong Centre ynne da pynbna ko da ka Red Alert wa daw joor bha u slap ha kiwa boon ki District deilang ka Orange Alert (wow pynkhreh) hadooh ka 31 tarik uni u bnai.
Ka Red Alert toh neibynta ka 29 wa 30 tarik wa daw joor slap ha East wa West Jaiñtia Hills, ha East Khasi Hills, ha Eastern West Khasi Hills, ha South West Khasi Hills, ha West Khasi Hills wa ha East Garo Hills.
Ka Orange Alert neibynta kini ki ar sngi toh ha Ri-Bhoi, South Garo Hills, North Garo Hills, West Garo Hills wa ha South West Garo Hills heiwa u slap daw joor hi u.
Kani ka Orange Alert daw neh ko ha ka 31 tarik neibynta ka East wa West Jaiñtia Hills, ka East Khasi Hills, ka South West Khasi Hills, ka East Garo Hills, ka North Garo Hills, ka West Garo Hills wa ha South West Garo Hills katwa kiwi ki District toh daw duna u slap.
Nadooh ka 1 tarik daw duna u slap ha waroh ki District tangwa daw pteiñ u wow hiar ha waroh kawi ka jylla.
Ha ka 29 wa 30 tarik daw em ka la’ær wa ye u joor hadooh 40-60 Kmph.
Discussion about this post