Shillong: Ka sorkar Meghalaya dei kyrchaan ka Aide et Action hei yakrehlang wa ka Mawsynram Higher Secondary School daw pynman ko ya ka Roadshow, hajrong ka thong ‘Choose Your Future, Choose to Work’ ha Mawsynram Station, East Khasi Hills District ha kani ka 30 tarik uni u bnai nadooh 2:00 waje nohchariñ sngi hapoh ka Project Supporting Human Capital Development in Meghalaya (SHCDM).
Ka thong yong kani ka Roadshow toh wow wanrah i sñiawthooh wa i puræ puthi wei wow wailuti ya kiwa boon ki laad ki luti neibynta wow chah hikai pynpliah ki iwa ye u yarap ya ki wow seiñkhih ki mynried. Ka thong leh toh wow elaad ya ki khynroo khyllood wow pynpsiah pyrtuid ki wow chah hikai mynkna ki ha ka Meghalaya State Skills Development Society (MSSDS) wa ki Labour Department (ITIs).
Ha kani ka Roadshow daw em ki chaad, ki rwai, ki yalehke, ki quiz wa kiwi kiwi.
Kamtæ ka sorkar jylla lyngba ka SHCDM Project kyntu ko ya ki manbei manpa, ki waheh wasian na ka imlang sahlang ka Mawsynram wa ki chnmong wa yajan wa ka wow chimbynta ki ha kani ka Road Show.
Yow tip bniah hei yatoh wa ini ye u phone ha u No. 1800-345-3644 heipor wa man Office namo deiwa lai mih cha Yungkrehkaam u DC man ka sngi wa-ar (Tuesday).
Discussion about this post