U MLA ka South Shillong, u Sanbor Shullai da jubab u yei pynbaad u MLA ka Nongkrem hajrong ka MLA Scheme kawa Rs. 250 lak, heiwa da pyntip u wa ya ka MLA Special Urban Work Programme (SUWP) yong u snem 2023-24 dadep pynlait nadooh u January 2024 wei da man u kam u MLA wa nyngkong dooh wa ye u leh yeini, wei da pynbna u leh wa najrong ka Rs. 250 lak, sa Rs. 8 lak man uwi u MLA da yoh ki ymtoh du Rs. 3 lak. Iwa mut wa u MLA da yoh u leh ya ka Scheme ISYDP Rs. 3 lak, ka DTFM Rs. 2.5 lak wa ka IA&CDP Rs. 2.5 lak.
Neiliang u Sanbor ym em pynmih pyrtuid u ya u MLA wa da pynbaad hajrong ka MLA Scheme, tangwa ini wa dep, u Sanbor da pynbna paidbah u wa ya ka Discretionary Grant kawa Rs. 10 lak, wei neiliang u MLA ka VPP na Nongkrem ha ka yalang saam Scheme da kynthah u ya u Sanbor deiwa ong ileh kop u ya ka Rs. 10 lak wei ileh ym khana u ya ka Rs. 250 lak.
Da ong u wa da em i pynbaad hadien wa da pynbna ya ka hok wa Rs. 10 lak ka Discretionary Grant, deiwa ong wa u Sanbor da khana sarong u ya katæ ka Rs. 10 lak, deiwa pynrap wa kopsar ini wa klam u yei hok ki paidbah da pynthut pynmong ko ya kiwi.
Chooh chooh u MLA ka BJP na South Shillong da khana u wa ha ki 3 snem wa dadep najrong ka MLA Scheme kawa da e u, da em sa 107 klur, 46 lak, 16 hajar, 8 spah 43 tyngka wa da pynyoh neibynta ki kaam pynroi hapoh ka Constituency, lyngba ki chnat ka sorkar pyrdi wa ka sorkar jylla.
Ha kawi ka liang, u Sanbor Shullai da khana u wa hadooh ynne ka sngi da lum yalang u wa ki heh sorkar deilang ki Engineer na ki chnat waphær waphær wow bichaar yei lai ki kaam pynroi wa da yoh na ki chnat sorkar hapoh ka Constituency.
Discussion about this post