Ka synjuk yong kiwa em ki sap hei dro dur, u tah dur wa kiwi de kiwa man ki dkhot ka Riti Academy of Visual Arts da pynman ko yaka lympung wa tip kam ka Thoh Shun Art Camp 2023 ha ICSSR, NEHU kawa da wan wai da u Frederick Roy Kharkongor, Commissioner & Secretary ka chnat Arts & Culture kawa 10 sngi deiwa emlang ki bru na ka Santiniketan neibynta wow sai pyrthai ya ki sap kyrpang yong ki khynroo ka jylla kiwa angnood pynpliah yei sap yong ki.
Kani man ko leh kam chibynta wow pynsah yei naam i pyrtuid u Soso Tham, heiwa neiliang u F R Kharkongor da kynmoo tympang u ya u Soso Tham uwa da thoh ha ka ktien Khasi heipor wa joor i wan ban kiwa na baar yow pynkylla ya ka tynre ki Khasi nadooh i mantre yei khyndaw u chyiap, i kur wa i ktien.
Kam chibynta kani ka Thoh Shun Art Camp, ka Riti Academy of Visual Arts da pynphooh pynphieñ ko da ka khusnaam kawa da e hei pyrtuid u tynde u S. Quotient Sumer kawa da e pyrtuid kam ka S Quotient Sumer Excellence Award 2023 kawa da e cha u Heibormi Sungoh uwa da thoh boon ki kot kamjooh ki sur ki rwai uwa na chnong Shangpung, West Jaiñtia Hills.
U Heibormi Sungoh man u leh uwa stat wow tem ya ki tiar tem tynre wei uwa stat leh u rwai wei da thoh u leh la chiteiñ dorjon ki kot najrong wa lai chimbynta u ha kiwa boon ki lympung hapoh ka jylla kamjooh hapoh ka ri India.
Discussion about this post