Ki pulit ka Sadar Police Station ynne ka sni da khut hajir ko ya ki 3 ngut ki dkhot ka Hynniewtrep Youth Council (HYC), kitæ u Donboklang Kharlyngdoh uwa man u Vice President ka seiñ, u Isac Basaiawmoit, Assistant General Secretary wa u John Lyngdoh, Assistant Organizing Secretary. Ini i chah khut hajir toh hajrong i yakhih wow lai psiah cha Secretariat ha u snem 2021.
Hawa klam cha ki laad pathai khubor, u Donbok da ong u wa ka Sadar Police Station toh ka Sadar Gang Station neidaw ki kaam Gang da ki kattu katni ngut ki pulit.
Da khana u wa i chah khut hajir toh neidaw ka yakhih wow lai psiah cha ka Secretariat. Da ong u wa ki phang waphær waphær lada ym lai ki wow kbai ha katai ka yung yong ki paidbah, heiwon u lai ki. Da kylli u leh wa kiyi wa pynman ya ka seiñ wow lai cha Secretariat.
Hawa kylli, uni uwa yahkhmat ka HYC da khynna u wa waroh le ngut kiwa yahkhmat ka seiñ da chah pynngat ki ha kiwa boon ki kyndon, wei da pynrap u wa ym da sñiawphær hajrong ini wei da pynkhreh wow psiah patok nadooh nachwa.
