Da ka Scholarship kawa man-u-bnai e ka sorkar cha kiwa lehbha ha ki kaam Sports

U Montri Rangbah ka jylla, u Conrad K Sangma ynne da wai u yaka Phase 3 ka Talent Identification wa Phase 2 ka Elite Pathway Programme. 

Kani man ko ka thong ka sorkar wow thooh ya kiwa em sap hei yalehke Sports yow yoh ki leh yaka rynsaan wa biang yow sai lut yeiwa em ha ki yow poi ki cha kyndit u loom. 

Ha kani ka sngi da emlang leh u Bollywood Actor, u John Abraham ha ka yalang wa da pynman ha NEHU Complex, Shillong. 

U Conrad da ong u wa ki khynroo khyllood da kynthup bait ya ki ha kawon kawon ka Policy wa wanrah ka sorkar wei kiwon kiwon ki Policy wa da wanrah toh du kiwa ye u pynmih soh mih sla nadooh ya ki warep hadooh ki kynthai. 

Related posts

Super Division: Jop ka Shangpung Lumiawmuchai

November 20, 2024

Santosh Trophy 2024-25: Wot hadien wa chah thap 3-1 dang jop ka Meghalaya ya ka Arunachal

November 20, 2024

Da khana u leh wa ha kini ki 3 snem wa da lai, ka sorkar da chna ko 50% ki thaw yalehke hawa kheiñ ya iwa da em chwa hapoh ka jylla wei i chna dang pteiñ i ya 300 tylli ki thaw yalehke.

“Ka sorkar da raikut ko wow thooh ya kiwa em yei sap wa har rukom wei u pynjanai ya ki sap yong ki,” da ong u Conrad.  

Chooh chooh da ong u wa ka sorkar u leh ko yeiwa emkaam neibynta iyi iyi wa miat ya ki khynroo khyllood wei ha ki snem wa da lai kat iwa da leh, ki Policy wa da chna waroh toh du ya ki khynroo.

U Conrad da khana u leh yeiwa da chem u heipor wa sdang seiñ kreh u heiwa ym em yoh yarap u na ka sorkar tangwa manda yoh laad u wow yahkhmat ya kani ka sorkar da rai u wow kreh chirup wa ki khynroo wow sñiawthooh ki yei myntoi kamjooh u yieñ wow seiñ kreh ki pyn da ki hi. 

Da ong u leh wa lyngba kani ka Talent Identification Programme u thooh ya kiwa em sap yow ye ka sorkar wow pynkup bor ya ki khynnah wei wow pynwandur ya ki.  

Ka Elite Pathway Programme toh neibynta chi snem heiwa ki khynroo khyllood u chah hikai wei wow pynpliah chooh chooh yei sap yalehke yong ki.

U Conrad da ban joor u leh yeiwa emkaam u pynchlur ya kiwa em sap ha i yalehke wei lyngba ka Meghalaya Sports Scholarship Scheme, kiwa yalehke u yoh yarap ki Rs. 6000 hadooh Rs. 8000 man-u-bnai wei chong hei yoh takma ki wa ki lympung yalehke wa jop ki. 

Ha kani ka yalang da e kti leh yaka soskular wa da ya soi neibynta ka chlem e sikai yalehbol kawa dei sah namo ka Football Residence Academy yong u John Abraham uwa yahkhmat yaka North East United FC.