U District Magistrate ka East Jaiñtia Hills District da pynmih hukum u deiwa ong wa neidaw ka National Green Tribunal ha u Naitung (Apr) 2014 da pynmih hukum ko wa ong wa i rukom tih mooyong wa tip kam i Rat Hole Coal Mining man iwa maa neibynta ki bru kamjooh ya ka rymaw kamtæ da khang wow leh yeini.
Da ong u wa hanla da khang leh dang em bait kiwa tih mooyong pyrchah ya ka aiñ wei da em boon kiwa mynsoo deiwa leh ya ini.
Kamtæ u District Magistrate da pynmih hukum u hapoh ka Section 144 ka CrPC wow khang ya ini i rukom tih mooyong wa tip kam i Rat Hole Coal Mining ha waroh kawi ka District.
Da khang leh yei kit wei wow chalan ya u mooyong na lane chapoh ka District khlem da biang ki kot ki sla, ki License wa da yoh na ki bor sorkar.
Lada em kiwa leh pyrchah daw chah pynchitom ki katkam ka Section 188 IPC wa kiwi de ki aiñ.
Kani ka hukum toh kawa da pynkrehkaam chisyndon.
