Nongstoin: U Deputy Commissioner ka West Khasi Hills, u Arunkumar Kembhavi da pyntip u wa hadien wa yoh ujor na ki paidbah wad a joor i thang sympoor, i thang khloo wa i thang yutem da pynkrehkaam noh da ka kyndon aiñ Section 144 yong ka CrPC wow khang wow leh yeini waroh.
Da ong u ha ka hukum wa pynmih u wa i diñ ktah joor i liang wanang ya ka rymaw wa khamtam ya i khyndaw wa tip leh hei ktien para kam ki Soil Organic Matter, Nutrients, pH, Texture, Density wa ki Soil Biota iwa daw pyntlot yei bor yong i khyndaw.
Chooh chooh i tdem wa mih na ini i kaam ktah i leh ya ka la-ær.
Lada chem ya kiwa leh pyrchah yeini daw chah pynchitom ki katkam ki kyndon Section 188 ka aiñ Indian Penal Code, 1860 wa kiwi kiwi ki kyndon aiñ.
Kani ka hukum u krehkaam ko ar bnai nadooh ka 8 tarik uni u bnai.
Kiwa chah ktah namo wit na kani ka hukum ye ki u yachem wa ki sahep sorkar wow leh yeiwa emkaam.
Discussion about this post