Jowai: Ka seiñ kawa dang mihthymme kawa tip kam ka The North East Indian Goal (NEIG) kawa na East Jaiñtia Hills, Meghalaya da booh ko ya ka thong wa 5 snem yow pynku ya ka kaam yalehke bol kawa tip kam ka “She Can Play” deiwa sdang nyngkong ha chnong Rngad ha ka 2 tarik uni u bnai.
I thmu kani ka “She Can Play” toh wow pynku pynbniah ya ka sap ki khynnah kiwa ka-it u yaleh bol ha ka chnong Rngad.
Ka seiñ NEIG da ong ko wa daw pynman ko kiwa boon ki Coaching Camp ha ka chi snem wei daw pynbiang leh ya ki tiar ki tar wa emkaam ki khynnah kynthai wow yalehbol wei da jied leh ya ka chnong Rngad wow sdang ya ki kaam ka seiñ neidaw wa na kani ka chnong kamwa chiteiñ kiwa yaleh bol ka East Jaiñtia Hills District ki kynthai wan ki na kani ka chnong.
Ka NEIG leh da kular ko wow jied ya kiwa yalehke kiwa chkeh dooh wei daw yoh laad ki wow pynyoo yei sap yong ki ha ki League waki Tournament ha kiwa boon ki bynta ka ri India.
Ki dkhot ka NEIG ka Batbitbha Bareh wa u Ajoymeson Lyngdoh da ong wa ngait ki wa ini wa sdang ki u man i iwa jop wei daw sdang ya ini i jooh ha kiwi ki chnong wa ki District.
Discussion about this post