Jowai: Ka seiñ Hynñiewtrep Achik National Movement (HANM), seiñbei daw pynman ko yei pyllang yei soi pyrtuid (Signature Campaign) ki paidbah ha ka 04-08-2018, ha Mot U Kiang Nangbah, Shillong heipor 11 waje i step kam chibynta wow pynyoo yei kyrchaan ya ka Social Custom Lineage 2nd Amendment Bill 2018.
Ini i leh ka seiñ man ko leh ko kam wow pynyoo ya u Lat ka jylla wa em boon kiwa kyrchaan ya kani ka Bill kawa dang yang ya ka muhor yong oo yow man aiñ noh ko. Ka seiñ da ong ko leh wa emkaam bha ya kani ka aiñ yow ye ko u paitbniah yei rukom chong kurim wei i rukom kheiñ kur wei yow pyrkhat bha ki kynthai kiwa chong kurim wa kiwi ki jaitbru.
Heijooh i por ka seiñ da ong ko wa kani ka Bill ym em mut ko wow ktah namo wow khanglaad ya i thmu yong ki chynrang wa khynthai wow chongkha wa kiwi ki jaitbru wei toh ka kynthai haap pynkhreh ko wow leh kamwa leh kiwi ki jaitbru yow lait ka snaam u khleh wei du kiwa em snaam Khasi wa toh u emhok wow man tre neibhah ka jaitbru yong i leh toh kawa kyrpang kawa e jait cha ka kynthai.
Kamtæ ka seiñ HANM da e kyrchaan ko ya kani ka Bill ka KHADC kawa ki Khasi toh kiwa yoh pa yoh bei Khasi.
Discussion about this post