Da ka ‘Skoch Health Award’ yoh ka jylla ha Delhi

Jowai : Ka tnat Health Department yong ka sorkar jylla da yoh ko ya ka khusnaam “Skoch Health Award 2017” ha New Delhi ha kani ka 18 tarik.

Ya kani ka award da yoh hei yatoh wei chemphang u Dr.R Pohsnem heiwow pynkhooid ya ki um wa tngit wa mih na ki thaw sumaar wa tip kam ‘The BIOWAT'( Bio-medical Waste Water Treatment), wa em ha Nartiang Primary Health Centre.

Ka ‘BIOWAT’ toh ka project ka wow yada bha ya ka rymaw.

Ha ka 22 Thohlakhmi (February) u Dr. Pohsnem da lai batai u cha Delhi yei rukom krehkaam ka BIOWAT heiwa da bichaar bniah liang wanang ya ka da ki bru chemphang. Da pynbood won da i thap vote lyngba ka twitter heiwa ka BIOWAT da yoh ko du 67 vote iwa kit du 15% na ka total marks.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hadien ini da jied biang ya ka BIOWAT kam kawi na ki kaam wa chemphang na kylleiñ ka ri wei da psiah ko cha ka Top 50 project.

Ha ka 17 tarik ka BIOWAT da yoh ko ya ka Skoch Order- of- Merit Award, wei ha ka 18 tarik da bichaar biang heiwa da rai wa man ko ka project wa rap phær na kiwa yatoh wa i chait i khiah wei da e noh ya ka yei naam ‘Skoch Health Award 2017 Silver.

Ya kani ka khusnaam da e da ka Skoch Foundation, New Delhi ha ka yalang wa pynman ha Constitution Club of India, New Delhi da u Chairman ka Foundation u Sameer Kochar, uwa man u bru uwa chemphang uwa da thoh ya ka kot ‘ Modi Nomics’.